Finlandiyanın Fələstinlə bağlı mövqeyinə vaxt məhdudiyyəti qoyuldu

Finlandiyanın Baş naziri Petteri Orpo, hökumətin Fələstinin tanınması məsələsinə BMT-nin sentyabrda keçiriləcək iclasına qədər aydın mövqe formalaşdıracağını açıqlayıb. 

TodayPress TV xəbər verir ki, bu barədə “Yle” məlumat yayıb. 

Bildirilib ki, hakim partiyalar arasında Fələstinin tanınması ilə bağlı fikir ayrılığı yaşanır.  

"Finlandiya onilliklərdir ki, iki dövlət prinsipinə sadiqdir. Hazırkı hökumət də bu yanaşmanı davam etdirir və tanınma şərtlərinin yerinə yetirilməsinə çalışırıq”, - deyə o vurğulayıb. 

O açıqlayıb ki, hökumət hazırda Fələstini tanımaqla bağlı rəsmi təklif hazırlamayıb.  

Qeyd edək ki, tanınmaya qarşı çıxan partiyalar arasında Finlər Partiyası və Xristian Demokratlar yer alır. 

Aysel Mətləb