Almaniya Çini təxribatda ittiham edir

Almaniya Xarici İşlər Nazirliyi Çin səfirini çağırıb. 

TodayPress TV xəbər verir ki, bu barədə "RBC" məlumat yayıb.

Çin hərbçiləri Qırmızı dənizdə Avropa İttifaqının "ASPIDES" missiyası zamanı alman təyyarəsini lazerlə hədəfə alaraq ekipajın həyatını təhlükəyə atıblar.

Almaniya Xarici İşlər Nazirliyinin bəyanatında bildirilir ki, Çin ordusunun bu addımı həm heyətin təhlükəsizliyini, həm də beynəlxalq missiyanın icrasını təhlükə altına salıb. Berlin Pekinin bu hərəkətlərini tamamilə qəbuledilməz sayır.

Hadisədən sonra Çin səfiri Almaniyanın Xarici İşlər Nazirliyinə çağırılıb və ondan izahat tələb olunub. Nazirlik bu cür hadisələrin təkrarlanmaması üçün tədbirlərin görüləcəyini bildirib.  

Türkan İsgəndərli