“Formula-1” pilotu yaşlı sürücülərlə bağlı fikir bildirdi
Oliver Berman “Formula-1”də mövsümün sonunda kimin çempionatı tərk edə biləcəyi ilə bağlı fikrini bildirib.
TodayPress TV xəbər verir ki, “Haas” komandasının pilotu mövcud sürücülər arasında ən çox ehtimal olunan ayrılıq ssenarisini dəyərləndirib.
O, komanda yoldaşı Esteban Okon ilə iştirak etdiyi “Hot Ones Versus” verilişində hazırkı pilotlardan hansının “Formula-1”dən gedə biləcəyi barədə sualı cavablandırıb.
“Hazırda bizdə bir neçə yaşlı pilot var. Düşünürəm ki, hər şey mövsümün necə keçməsindən asılıdır. Əgər hər şey bu cür davam etsə, Fernando daha çox körpə övladı ilə vaxt keçirə bilər”, - deyə Berman bildirib.
Qeyd edək ki, Fernando Alonso 44 yaşındadır. İspan pilot 2001-ci ildə “Formula-1”də debüt edib və karyerası ərzində iki dəfə dünya çempionu olub. Hazırkı mövsüm “Aston Martin” komandası üçün texniki problemlər fonunda çətin keçir.
Namiq HUN
