Dağıstanın rəhbəri kütləvi zəhərlənməyə münasibət bildirdi

Dağıstanın Dərbənd şəhərində yerləşən istirahət bazasında kütləvi zəhərlənmə hadisəsi baş verib.

TodayPress TV xəbər verir ki, bu barədə respublikanın rəhbəri Sergey Məlikov “Telegram” kanalında məlumat yayıb.

Onun sözlərinə görə, Mərkəzi Şəhər Xəstəxanasına bağırsaq infeksiyası əlamətləri ilə 20 nəfər – 3 böyük və 17 uşaq hospitalizasiya olunub. Həkimlərin bildirdiyinə görə, xəstəliyin gedişi yüngül və orta ağır formada müşahidə olunur.

Məsələ ilə bağlı prokurorluq və İstintaq Komitəsi araşdırmaya başlayıb, günahkar şəxslərin müəyyən edildiyi bildirilib. Melikov hadisəni şəxsi nəzarətində saxladığını və məsuliyyət daşıyanların cəzalandırılacağını qeyd edib:

“Belə hallar Dağıstanda baş verməməlidir. Qanunsuz fəaliyyət göstərən xidmət sahələrini kölgədən çıxarmaq üçün iş aparılır”.

Qiymət Mahir