AEBA rəhbəri Rusiyaya səfər edəcək
Beynəlxalq Atom Enerjisi Agentliyinin (AEBA) baş direktoru Rafael Qrossinin növbəti Rusiyaya səfəri sentyabrın sonunda baş tuta bilər.
TodayPress TV xəbər verir ki, bu barədə Rusiyanın Vyanadakı beynəlxalq təşkilatlar yanında daimi nümayəndəsi Mixail Ulyanov məlumat verib.
Ulyanov qeyd edib ki, həmin dövrdə Rusiya nüvə sənayesinin 80 illiyi geniş şəkildə qeyd olunacaq və Qrossinin səfəri də bu tədbirlərə təsadüf edə bilər.
Diplomat həmçinin əlavə edib ki, Zaporojye Atom Elektrik Stansiyasının vəziyyəti ilə bağlı işgüzar məsləhətləşmələrin bu səfər çərçivəsində keçirilib-keçirilməyəcəyi hələlik məlum deyil.
Türkan İsgəndərli
