UEFA-dan klublara növbəti dəstək

UEFA

22.05.2025 12:07

5

UEFA 2024-2028-ci illərdə milli komandalara futbolçu göndərən klublara ümumilikdə 244 milyon avro paylayacaq.   

TodayPress TV Teleqraf-a istinadən xəbər verir ki, bu barədə qərar UEFA İcraiyyə Komitəsinin İspaniyanın Bilbao şəhərində keçirilən iclasında qəbul olunub. 

Müvafiq məbləğ Avropa Klublar Assosiasiyası (ECA) ilə qarşılıqlı razılaşma əsasında ayrılıb. 

Əslində vəsaitin həcmi 240 milyon avro olmalı idi. Lakin əvvəlki seçmə tsiklin bölgüsündən 7 milyon avro da qalıb.

Vəsaitin 3 milyon avrosu ECA-nın təklifi əsasında qadınlar arasında 2025-ci il Avropa çempionatında futbolçu ilə təmsil olunan klublar üçün güzəşt proqramındakı 6 milyon avroluq vəsaitə əlavə ediləcək.

Nəticədə qadın futboluna ayrılan həmin məbləğ 9 milyon avroya çatdırılacaq. 

Qalan 4 milyon avro isə 240 milyon avroya əlavə olunacaq. 

Qeyd edək ki, 244 milyon avroluq yekun məbləğin 104 milyon avrosu UEFA Millətlər Liqasında 2024/25 və 2026/27 mövsümlərindəki oyunları, eləcə də 2026 - 2028-ci illərdə keçiriləcək seçmə matçları əhatə edəcək.

140 milyon avroluq hissə isə AVRO-2028-ə futbolçu göndərən klublar arasında bölüşdürüləcək.   

Namiq HUN

tag: UEFA,Liqa,Klub,Dəstək,Todaypress.tv,