Elektron siqaretlər təhlükəli vərdişə çevrilir

Son illərdə elektron siqaretlər, xüsusilə yeniyetmələr arasında sürətlə yayılır. 

TodayPress TV xəbər verir ki, ABŞ Xəstəliklərə Nəzarət və Profilaktika Mərkəzinin (CDC) 2024-cü il hesabatına əsasən, 13-17 yaş arası hər 5 gəncdən biri müntəzəm olaraq “vape” istifadə edir.

Mütəxəssislər bildirirlər ki, bu cihazlar ənənəvi siqaretlər qədər təhlükəli olmasa da, nikotin asılılığı yaradır və ağciyər funksiyalarına mənfi təsir göstərir.

Bəzi ölkələrdə elektron siqaretlərin satışına qismən və ya tam qadağalar tətbiq olunub.

Alimlər həmçinin vurğulayırlar ki, aromatlaşdırılmış məhsullar gəncləri daha çox cəlb edir və erkən yaşda asılılıq riskini artırır.

Dünya Səhiyyə Təşkilatı valideynləri və məktəbləri daha ciddi nəzarət və maarifləndirmə tədbirləri görməyə çağırır.

Türkan İsgəndərli