Alimlər beynin aclıq siqnallarını tənzimləyən yeni mexanizm kəşf etdilər

Leipzig Universiteti və Berlin tədqiqatçıları MRAP2 adlı zülalın beynin aclıq reseptoru MC4R ilə işləyərək iştahı yatıran siqnalları gücləndirdiyini müəyyən ediblər.

TodayPress TV "Science Daily" yə istinadən xəbər verir ki, bu kəşf piylənmə ilə mübarizə və çəki nəzarəti üçün yeni yollar aça bilər.

Tədqiqatçılar göstəriblər ki, MRAP2 zülalı MC4R reseptorunu hüceyrə səthinə daşıyır və burada aclığı azaldan siqnalları daha effektiv ötürür. 

Bu reseptorun düzgün işləməsi iştahın tənzimlənməsində böyük rol oynayır və piylənmənin genetik səbəblərinə qarşı dərmanların təsirini gücləndirə bilər.

Alimlər hesab edirlər ki, MRAP2 funksiyasının təqlid edilməsi və ya modulyasiyası yeni terapevtik strategiyalar üçün potensial yarada bilər. Bu yolla piylənmə və əlaqəli metabolik xəstəliklərin müalicəsində daha effektiv nəticələr əldə etmək mümkündür.

Araşdırma Almaniya, Kanada və Böyük Britaniyadan olan institutların birgə əməkdaşlığı ilə aparılıb və "Nature Communications" jurnalında dərc olunub. 

Həmçinin tədqiqat MRAP2 zülalının MC4R reseptoru ilə qarşılıqlı təsirini, hüceyrə səthinə daşınmasını və iştah siqnallarının gücləndirilməsini ətraflı şəkildə göstərib.

Jalə Rövşən

TodayPress TV