Mask “Apple”ı məhkəməyə verəcək
İKT
12.08.2025 11:55
Amerikalı sahibkar və milyarder İlon Mask bildirib ki, ona məxsus “xAI” startapı “Apple” korporasiyasına qarşı məhkəmə iddiası qaldıracaq.
TodayPress TV xəbər verir ki, bu barədə o, “X” sosial şəbəkəsində paylaşım edib.
Mask, şirkəti “App Store”da tətbiqlərin reytinqi ilə bağlı rəqabət əleyhinə qanunvericiliyi pozmaqda ittiham edib.
O, “Apple”ın rəsmi hesabına müraciət edərək, niyə “X” və “Grok”un “App Store”un ən vacib tətbiqlər siyahısına daxil edilmədiyini soruşub.
Biznesmen əlavə edib ki, “X”ın ən çox tələbat olan xəbər tətbiqi olmasına baxmayaraq, “Grok” populyarlığa görə 5-ci yerdədir.
“Apple” elə davranır ki, guya “OpenAI” istisna olmaqla heç bir süni intellekt şirkəti “App Store” reytinqində 1-ci yerə yüksələ bilməz. Bu isə rəqabət əleyhinə qanunvericiliyin açıq şəkildə pozulmasıdır. “xAI” dərhal məhkəməyə müraciət edəcək”, - deyə Mask vurğulayıb.
Aysel Mətləb
tag: İlon Mask,Apple,X,Məhkəmə,Todaypress.tv,