"Apple Watch 2026" təzyiq ölçə biləcək

2026-cı ildə təqdim ediləcək "Apple Watch" modelləri ciddi redizaynla yanaşı, dörd əvəzinə səkkiz sensorla təchiz ediləcək.

TodayPress TV xəbər verir ki, bu barədə məlumatı “DigiTimes” yayıb.

Nəşrin yazdığına görə, "watchOS 26" sistemi ilə gələcək "Apple Intelligence" süni intellekt funksiyalarına dəstək verəcək "Apple Watch Series 11" və "Apple Watch Ultra 3" modellərinə qan təzyiqinin ölçülməsi imkanı əlavə oluna bilər. Bununla belə, şirkət texniki və hüquqi məhdudiyyətlərlə üzləşir: qlükoza səviyyəsinin monitorinqi tibbi standartlar, texnologiyanın inkişaf səviyyəsi və patent mübahisələri səbəbindən hələlik çətin görünür.

Məlumatlara görə, yeni təzyiq ölçmə funksiyası əsasən temperatur monitorinqinə bənzər şəkildə işləyəcək və istifadəçiyə yalnız normadan kənara çıxmalar barədə bildirişlər göndərəcək.

Hansı sensorların quraşdırılacağı dəqiq açıqlanmasa da, mənbələr “Apple”ın cihazlarda alqoritmlərdən asılılığı azaldacağını, bunun isə həm dəqiqliyi, həm də batareya ömrünü artıracağını bildirir.

Qiymət Mahir