"Apple" gələn həftə yeni məhsullarını təqdim edəcək

"Apple" oktyabrın üçüncü həftəsində bir neçə yeni cihazını təqdim etməyə hazırlaşır.

TodayPress TV xəbər verir ki, bu barədə "Bloomberg" məlumat yayıb.

Agentliyin analitiki Mark Qurmanın məlumatına görə, şirkət "M5" çipi ilə təchiz edilmiş ən azı iki yeni qurğunu - "iPad Pro" planşetini və "Vision Pro" əlavə reallıq qulaqlığını təqdim edəcək. 

Qurman bildirib ki, bu cihazlar yaxın günlərdə satışa çıxarılacaq. Həmçinin "M5" prosessorlu yeni "MacBook Pro" modelinin təqdim olunacağı ehtimal edilir.

Lakin "Apple"ın ayrıca təqdimat keçirməyəcəyi, bunun əvəzində sadəcə saytını yeniləyib press-reliz yayımlayacağı gözlənilir. Yeni məhsullar eyni həftə ərzində, lakin fərqli günlərdə təqdim oluna bilər.

Türkan İsgəndərli

TodayPress TV