"Tesla" ilə "Samsung" arasında çip razılaşması

"Samsung" və "Tesla" arasında yeni çip istehsalı ilə bağlı razılaşma əldə olunub. 

TodayPress TV xəbər verir ki, razılaşmaya görə, "Tesla"nın növbəti nəsil "AI6" süni intellekt çipləri "Samsung"un ABŞ-nin Texas ştatında yerləşən fabrikində istehsal ediləcək. Bu xəbərin yayılmasından sonra "Samsung"un səhmləri 6.8%, Tesla-nın səhmləri isə 1.9% yüksəlib.

İlon Mask layihənin dəyərinin ən azı 16.5 milyard dollar olduğunu, lakin bu rəqəmin daha da arta biləcəyini deyib.

Qeyd edək ki, "Samsung" çip istehsalında rəqibləri "TSMC" və "SK Hynix"lə rəqabət aparmaqda çətinlik çəkir. Şirkət sifarişlə çip istehsalında yalnız 8% bazar payına sahibdir, "TSMC" isə bu sahədə 67% paya malikdir. "Samsung"un çip bölməsi 2025-ci ilin ilk yarısında təxminən 3.6 milyard dollar zərər edib.

Türkan İsgəndərli