Tennisçilər korta çıxmamış qazandılar: 3,5 min dollarlıq bonus!
ABŞ Açıq çempionatında iştirak edəcək bütün tennisçilərə turnirin startı ərəfəsində maliyyə bonusu verilib.
TodayPress TV “US Open”in “X” sosial şəbəkəsindəki rəsmi səhifəsinə istinadən xəbər verir ki, oyunçular Nyu-Yorka çatdıqdan sonra 2,5 min dollar dəyərində “Uber” sertifikatı və 1 min dollarlıq “American Express” hədiyyə kartı əldə ediblər.
“Xoş sürpriz! Nyu-Yorka gəldikdən sonra oyunçular turnirdə çıxışları və “Böyük Dəbilqə” tituluna mübarizə zamanı xərclərini qarşılamağa kömək etmək üçün 2,5 min dollarlıq “Uber” sertifikatı və 1 min dollarlıq “American Express” hədiyyə kartı aldılar”, – deyə “US Open”in “X” sosial şəbəkəsindəki rəsmi səhifəsində bildirilib.
Qeyd edək ki, 2026-cı il ABŞ Açıq çempionatı avqustun 30-dan sentyabrın 13-dək keçiriləcək. Kişilər arasında sonuncu çempion ispaniyalı Karlos Alkaras, qadınların turnirində isə belaruslu Arina Sobolenkodur.
Namiq HUN
