PSJ-dən 62 milyonluq transfer
Yeni mövsümün hazırlıqlarını davam etdirən PSJ heyətini gücləndirib.
TodayPress TV xəbər verir ki, klub Ukrayna millisinin və “Bornmut”un müdafiəçisi İlya Zabarni ilə 5 illik müqavilə imzalayıb.
Fransa nəhəngi 22 yaşlı mərkəz müdafiəçisinin transferi üçün “Bornmut” klubuna 62 milyon avro ödəyib.
PSJ rəhbərliyi Zabarniyə böyük ümid bəsləyir və onun komandada uzunmüddətli lider fiqura çevriləcəyinə inanır. Ukraynalı futbolçu ötən mövsüm Premyer Liqada sabit çıxışı və güclü müdafiə bacarıqları ilə diqqət çəkmişdi.
Qeyd edək ki, Zabarni tibbi müayinədən keçdikdən sonra komandasına qoşulacaq.PSJ forması ilə ilk rəsmi oyununa sentyabr ayında çıxması gözlənilir.
