“Əl-Hilal” təcrübəli futbol mütəxəssisi ilə anlaşdı

Səudiyyə Ərəbistanının “Əl-Hilal” klubunun yeni baş məşqçisi məlum olub.

TodayPress TV klubun rəsmi saytına istinadən xəbər verir ki, bu vəzifəyə italiyalı mütəxəssis Simone İnzaqi gətirilib. 

Onunla 2027-ci ilin yayınadək müqavilə imzalanıb. 49 yaşlı məşqçi Ər-Riyad təmsilçisində ilinə 26 milyon avro qazanacaq. 

Xatırladaq ki, Simone İnzaqi son olaraq ölkəsində “İnter” klubunu  çalışdırıb. O, 2021-ci ildən 2025-ci ilə qədər Milan təmsilçisinə rəhbərlik edib. “Neradzurre” bu müddət ərzində üç dəfə İtaliya Superkubokuna (2021, 2022, 2023), iki dəfə isə ölkə kubokuna (2022, 2023) sahib çıxıb. Klub həmçinin İtaliya çempionluğunu (2024) qazanıb və iki dəfə UEFA Çempionlar Liqasının finalına (2023, 2025) yüksəlib.

Namiq HUN