Dadaşov avrokuboklar şansından faydalanacaq?

Futbol üzrə Azərbaycan millisinin hücumçusu Renat Dadaşov növbəti dəfə komandasını dəyişir.

TodayPress TV Futbolinfo.az-a istinadən xəbər verir ki, “Radomyak” klubu 26 yaşlı futbolçunun bu ayın sonuna qədər olan müqaviləsini yeniləməmək qərarına gəlib.   

Nəticədə Dadaşov Ekstraklasa təmsilçisi “Motor”un radarına düşüb. Yeni mövsümdə avrokuboklara vəsiqə qazanmağı hədəfləyən komanda hücum xəttini Renatla gücləndirməyi düşünür.

İyulun 1-dən azad agent statusu daşıyacaq Dadaşov karyerasını Polşada davam etdirməyə bilər. Çünki Xorvatiyanın “Hayduk” klubu da forvardın xidmətində maraqlıdır. Bu keçid baş tutsa, Renat Konfrans Liqasında “Zirə”yə rəqib olan Split təmsilçisinin heyətində Bakıya rəqib kimi gələcək.

Namiq HUN