Bellinqem yaşıl meydanlardan uzaq qalacaq

“Real Madrid” klubunun ingiltərəli yarımmüdafiəçisi Cud Bellinqem çiyin nahiyəsindən aldığı zədə səbəbilə 3-4 ay müddətinə futbol oynaya bilməyəcək. 

TodayPress TV xəbər verir ki, bu barədə jurnalist Alberto Pereyro sosial şəbəkə hesabında məlumat verib.

Futbolçunun özü daha əvvəl əməliyyat olunacağını təsdiqləyib.

Bellinqemin əməliyyatı klublararası dünya çempionatından sonra baş tutacaq. Yarımmüdafiəçi yeni mövsümün əvvəlini buraxacaq.

Qeyd edək ki, 2023-cü ildən “Real”da çıxış edən Cud Bellinqem daha əvvəl Almaniyanın “Borussiya Dortmund” klubunun formasını geyinib. Madrid təmsilçisi onun transferi üçün 113 milyon avro ödəyib. Bellinqem son mövsüm 54 oyunda 15 qol vurub və 14 məhsuldar ötürmə edib.

Namiq HUN