Zelenski Macarıstan və Çinə müraciət etdi: “Rusiyanı dayandırın”

Ukrayna Prezidenti Volodimir Zelenski Macarıstan və Çinə müraciət edərək Rusiyanı dayandırmağa çağırıb.

TodayPress TV xəbər verir ki, o, bu fikirləri “Telegram” kanalında qeyd edib.

Zelenski Çindən açıq mövqe gözlədiyini vurğulayıb:

“Çin dəfələrlə müharibənin genişlənməsinə qarşı çıxıb, atəşkəsə çağırıb. Amma bu, Rusiyaya görə baş vermir. Macarıstanın da reaksiyasını gözləyirik”.

Dövlət başçısı həmçinin “sülh çağırışları edən, lakin indi prinsipial mövqe tutmaq əvəzinə daha çox susan” tərəflərə də səslənib. Onun sözlərinə görə, artıq Rusiyaya qarşı sərt sanksiyalar tətbiq edilməsinin vaxtıdır.

Zelenski qeyd edib ki, bütün diplomatik imkanlar tükənib, Rusiyanın hər bir zərbəyə və müharibənin hər gününə görə məsuliyyət daşımalı olduğu anlayışı möhkəmlənməlidir.

Qiymət Mahir