Üç NATO ölkəsi Qara dənizdəki mövcudluğunu artıracaq

“Ruminiya, Bolqarıstan və Türkiyə Qara dənizdəki minalardan təmizləmək üçün birgə işçi qrupunu genişləndirməlidir”. 

TodayPress TV xəbər verir ki, bunu Rumıniyanın müdafiə naziri İonut Mosteanu deyib. 

Onun sözlərinə görə, enerji obyektlərini və ticarət yollarını Rusiya Federasiyasının potensial hücumundan qorumaq üçün missiyaya patrul qüvvələrinin əlavə edilməsi planlaşdırılır. 

"Yaxın illərdə bu layihəni patrul layihəsinə qədər genişləndirmək lazımdır. Biz bunu yaxın gələcəkdə müttəfiqlərimizlə müzakirə edəcəyik", - deyə Mosteanu bildirib. 

O, həmçinin əlavə edib ki, Qara dəniz yaxın illərdə Rusiya üçün döyüş meydanı olacaq. Ona görə də ölkələr öz maraqlarını qoruyaraq müqavimət göstərməlidirlər. 

Aysel Mətləb