Stubbdan Trampa: “Rusiya artıq böyük dövlət deyil”

Finlandiya prezidenti Aleksandr Stubb ABŞ prezidenti Donald Trampla telefon danışığı zamanı onu Rusiyanın artıq böyük dövlət statusunu itirdiyinə inandırmağa çalışıb.

TodayPress TV xəbər verir ki, bu barədə “The Guardian” məlumat yayıb. 

Stubb bu fikirləri Tallində keçirilən “Lennart Meri” təhlükəsizlik konfransında çıxışı zamanı səsləndirib və Trampla dialoquna münasibət bildirib.

Onun sözlərinə görə, Rusiya artıq böyük dövlət kimi qəbul edilə biləcək ölkə deyil. Finlandiya prezidenti bu iddianı Rusiyanın iqtisadi vəziyyəti ilə əsaslandırıb: 

“Rusiya iqtisadiyyatı İtaliyadan da kiçikdir, ölkədə əsas faiz dərəcəsi 20 faizi ötür, strateji ehtiyatlar isə əhəmiyyətli dərəcədə tükənib”.

Qiymət Mahir