Əfqanıstanda 100-dən çox musiqi aləti yandırıldı

Əfqanıstanın şərqində yerləşən Lağman vilayətinin Alingar rayonunda yerli hakimiyyət orqanları 100-dən çox musiqi alətini məhv edib.

TodayPress TV xəbər verir ki, bu barədə "Afghanistan International" portalı məlumat yayıb.

Bildirilib ki, barabanlar, gitaralar və digər musiqi alətləri son aylarda müxtəlif şənliklər zamanı müsadirə olunub və ölkədə musiqiyə tətbiq edilən qadağa çərçivəsində yandırılıb.

“Son bir neçə ayda müxtəlif bayram və mərasimlərdən müsadirə edilmiş azı 109 musiqi aləti toplanıb və sonradan yandırılıb”, – deyə məlumatda qeyd olunur.

Xatırladaq ki, bundan əvvəl Əfqanıstanın “Fəzilətləri təşviq və pisliklərin qarşısının alınması” nazirliyi ölkədə şahmat oyununu da rəsmi olaraq qadağan etmişdi.

Qiymət Mahir