Starmer: “Danışıqlar irəliləyişlə nəticələndi”

"Vaşinqtonda ABŞ Prezidenti Donald Tramp, Ukrayna lideri Volodimir Zelenski və Avropa siyasətçilərinin iştirakı ilə keçirilən danışıqlar real irəliləyişlə nəticələnib".  

TodayPress TV xəbər verir ki, bunu Böyük Britaniyanın Baş naziri Kir Starmer deyib. 

“Sammitdə iştirak edən Avropa liderləri, Prezident Tramp və Zelenski arasında əsl birlik hissi var idi”, - deyə Starmer vurğulayıb. 

Britaniyanın Baş naziri danışıqların iki mühüm nəticəsini qeyd edib. Onun sözlərinə görə, “istəklilər koalisiyası” Ukraynanın təhlükəsizliyini təmin etmək üçün ABŞ ilə əməkdaşlıq edəcək. Digər mühüm nəticə isə Vladimir Putin və Zelenski arasında ikitərəfli razılaşmanın əldə olunacağı barədə razılıq olub. 

Xatırladaq ki, Starmer Ağ Evdəki görüş zamanı təkcə Ukraynanın deyil, bütövlükdə Avropanın təhlükəsizliyinin təmin edilməsinin vacibliyini vurğulamışdı. Fransa Prezidenti Emmanuel Makron isə Ukrayna məsələsi üzrə Avropanın iştirakı ilə dördtərəfli görüşün keçirilməsini təklif edib. Bununla yanaşı, o, Rusiya, ABŞ və Ukrayna arasında Avropasız ayrıca bir görüşün ola biləcəyini istisna etməyib. 

Aysel Mətləb