Qəzzada ölənlərin sayı 60 mini keçdi

Qəzza zolağında davam edən qarşıdurmalar nəticəsində həyatını itirənlərin sayı 60 min nəfəri ötüb.

TodayPress TV xəbər verir ki, bu barədə Fələstin Səhiyyə Nazirliyi yazılı açıqlama yayıb.

Bildirilib ki, son 24 saat ərzində Qəzza xəstəxanalarına 113 meyit və 637 yaralı gətirilib.

Məlumata görə, razılaşdırılmış atəşkəs rejiminin pozulmasından bu yana 8 min 867 fələstinli həyatını itirib, 33 min 829 nəfər isə yaralanıb.

Ümumilikdə isə, 7 oktyabr 2023-cü ildən bəri ölənlərin sayı 60 min 34 nəfərə, yaralıların sayı isə 145 min 870 nəfərə yüksəlib.

Töhfə Səməd