Gürcüstanın XİN rəhbəri ABŞ-nin ölkədəki səfiri ilə ikitərəfli münasibətləri müzakirə etdi

ABŞ öz maraqlarının tətbiqi üçün Gürcüstana yanaşmasını nəzərdən keçirməyə davam edir.

TodayPress TV xəbər verir ki, ABŞ-nin Gürcüstandakı diplomatik nümayəndəliyinin rəhbəri səfir Robin Danniqanın, Dövlət Departamentinin müşaviri Uayt Toelke və Gürcüstanın XİN rəhbəri Maka Boçorişvili arasında görüşdən sonra bəyanatında belə qeyd olunub.

Bildirilib ki, görüş zamanı Gürcüstan tərəfinə ABŞ ilə münasibətlərin inkişafında ciddi olduğunu nümayiş etdirmək üçün hansı addımları atmalı olduğu aydın şəkildə qeyd edilib.

Gürcüstan XİN-in görüşlə bağlı bəyanatında isə qeyd edilib ki, söhbət zamanı iki ölkə arasında münasibətlərə, həmçinin regionda gedən proseslərə diqqət yetirilib, Gürcüstanın regionda sülh və sabitliyin təşviqində rolu vurğulanıb.