Ermənistanda qar nəqliyyatın hərəkətini iflic etdi
Ermənistanda Berd-Çambarak yolu qar fırtınası səbəbindən bütün nəqliyyat vasitələrinin hərəkəti üçün bağlanıb.
TodayPress TV xəbər verir ki, bu barədə Ermənistan Daxili İşlər Nazirliyinin Xilasetmə Xidməti məlumat yayıb.
Vardenyats aşırımı da bağlıdır. Spitak aşırımları, eləcə də Noravan-Ltsen-Tatev və Sisian-Zanger hissələri qoşqulu nəqliyyat vasitələri üçün əlçatmaz hala gəlib.
Tsovagyugh-Semenovka yolunda isə hərəkət etmək çətinləşib.
Bəzi rayonlarda isə yollar buz bağlayıb.
Ölkənin hər yerində qar yağır.
Nicat Osman
