Çin-Rusiya liderləri tarixi görüş keçirəcək

Dünya

28.08.2025 13:20

"Rusiya Prezidenti Vladimir Putin və Çin Prezidenti Si Cinpin sentyabrda mühüm və tarixi əhəmiyyət kəsb edən görüş keçirəcək".

TodayPress TV xəbər verir ki, bunu Çinin Moskvadakı səfiri Zhang Hanhui TASS-a müsahibəsində deyib.

Onun sözlərinə görə, bu görüş iki ölkə arasındakı münasibətlərin gələcək inkişaf istiqamətlərini müəyyən edəcək və əməkdaşlığın bütün sahələrdə dərinləşməsinə yeni təkan verəcək.

Hanhui vurğulayıb ki, Çin-Rusiya münasibətlərinin yüksək səviyyədə inkişafı yalnız iki ölkənin xalqlarının maraqlarına cavab vermir, həm də beynəlxalq ictimaiyyətin böyük dövlətlər arasında əməkdaşlıq gözləntilərinə uyğundur.

Xatırladaq ki, Putin Çinə səfərə fəal hazırlaşır. Görüş, Rusiya liderinin Şərq İqtisadi Forumuna səfərindən əvvəl baş tutacaq.

Aysel Mətləb

tag: Çin,Rusiya,Görüş,Tarixi,Todaypress.tv,