BMT-dən nüvə sınaqları ilə bağlı XƏBƏRDARLIQ
BMT Baş katibinin tərksilah məsələləri üzrə ali nümayəndəsi İzumi Nakamitsu nüvə sınaqları ilə bağlı ciddi xəbərdarlıq edib.
TodayPress TV xəbər verir ki, bu barədə "RBC" məlumat yayıb.
O bildirib ki, hər hansı bir ölkənin nüvə sınağı keçirməsi digər dövlətləri də oxşar addım atmağa təşviq edə bilər.
Nakamitsu vurğulayıb ki, belə bir vəziyyət qlobal yayılma arxitekturasını sarsıdacaq və beynəlxalq normalar üzərində illərlə aparılan işləri puç edə bilər. Onun sözlərinə görə, bu cür eskalasiya dünya üçün ciddi təhlükə yaradır.
BMT rəsmisi qeyd edib ki, nüvə sınaqlarının yenidən gündəmə gəlməsi qlobal sabitliyə birbaşa təhdiddir və beynəlxalq ictimaiyyət bu risklərə biganə qalmamalıdır.
Türkan İsgəndərli
