Avropada təbii qazın qiyməti 400 dollara yaxınlaşır
Bu gün keçirilən hərraclar zamanı Avropada qazın 1 000 kubmetrinin qiyməti 400 ABŞ dollarına yaxın səviyyədə ticarət olunur.
TodayPress TV xəbər verir ki, 14 avqust tarixində TTF (Niderlandın "Title Transfer Facility"i Avropanın ən likvid virtual satış mərkəzi) indeksi üzrə sentyabr fyuçerslərinin qiyməti 397,4 dollar təşkil edib, bu da əvvəlki hesablama qiyməti (394,7 dollar) ilə müqayisədə 0,7% çoxdur.
Qeyd edək ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.
