Niyə utananda üzümüz qızarır?
Mütəxəssislər izah edir ki, insanlar ictimai yerlərdə utandıqları zaman üz, qulaq, boyun və sinə dərisinə qan axını artır, bu da dərinin qızarmasına səbəb olur.
TodayPress TV xəbər verir ki, bu proses simpatik sinir sistemi və adrenalin buraxılması ilə bağlıdır.
Belə ki, adrenalin qan damarlarını daraldır, lakin üzdə damarlar genişlənir və daha çox qan axır.
Ekspertlər bildirirlər ki, bu reaksiya təhlükəyə hazırlıqdan çox, təkamül prosesində yaranmış sosial ifadə – utanc və ya xəcalət hissi ilə əlaqəlidir. Üzün qızarmasını tam dayandırmaq mümkün deyil, amma yaşla bu daha az nəzərə çarpır, çünki insanlar sosial normalardan daha çox xəbərdar olurlar.
Stress və simpatik sinir sisteminin həddindən artıq aktivliyi ilə bağlı hallarda koqnitiv davranış terapiyası kömək edə bilər, nadir hallarda isə cərrahi müdaxilə tövsiyə olunur. Ekspertlər həmçinin xəbərdarlıq edirlər ki, güclü stress ürək-damar problemlərinə və iltihaba səbəb ola bilər.
Türkan İsgəndərli
