"Jetour" yeni "SUV" ilə qlobal bazara çıxır
"Jetour" brendi 2026-cı il Pekin Avtomobil Sərgisində yeni "Jetour TX" adlı elektrik "SUV" konseptini təqdim edib.
TodayPress TV xəbər verir ki, bu model markanın elektrikli avtomobil seqmentinə ilk ciddi addımı kimi qiymətləndirilir.
Dizayn baxımından avtomobil kompakt "SUV" ölçülərinə malikdir və 1990-cı illərin retro elementlərini müasir bucaqlı stil ilə birləşdirir. Ön və arxa hissədə dəyirmi faralar diqqət çəkir.
Texniki detallara görə, "Jetour TX" batareyası cəmi 9 dəqiqə ərzində 20%-dən 80%-ə qədər sürətli şarj oluna bilir. Modelin ümumi hərəkət məsafəsi 1416 km-ə qədərdir, bunun 330 km-i tam elektrik rejimindədir.
Avtomobilin interyeri və tam texniki xüsusiyyətləri hələ açıqlanmayıb, lakin təqdimat "Jetour"un elektrik avtomobil bazarında qlobal genişlənmə planlarını göstərir. Şirkət hər il 2–3 yeni elektrik model təqdim etməyi planlaşdırır.
Türkan İsgəndərli
