Daha bir “Qarabağ”lı Premyer Liqa yolunda
“Turan Tovuz” futbol klubu daha bir səs-küylü transferə hazırlaşır.
TodayPress TV xəbər verir ki, bölgə təmsilçisi bu yay “Qarabağ”dan ayrılan Marko Veşoviçlə danışıqlar aparır.
“Turan Tovuz” buna qədər sabiq “Qarabağ”lı İbrahima Vadjini transfer etməsi ilə ölkə futbolunun gündəmini zəbt etmişdi.
Qeyd edək ki, Premyer Liqa komandaları ilə müqayisədə tovuzluların transfer çalışmalarında bir qədər passiv görünməsinə səbəb baş məşqçi Kurban Berdiyevin keçidlərə çox həssas yanaşmasıdır. Təcrübəli mütəxəssis bu məsələdə tələskənliyə yol verib səhv etmək istəmir.
(Sportal.az)
Namiq HUN
