İran casusluğa görə cəzaları sərtləşdirdi
İranda "casusluğa və düşmən ölkələrlə əməkdaşlığa görə cəzaların sərtləşdirilməsi” qanun layihəsinə dəyişikliklər edilib və sənədin şəriət qanunlarına, o cümlədən İran Konstitusiyasına uyğun olduğu təsdiqlənib.
TodayPress TV xəbər verir ki, bu barədə İranın Keşikçilər Şurasının rəsmi nümayəndəsi Hadi Tahan Nazif bildirib.
Məlumata görə, sənədin əvvəlki versiyasında bir sıra qeyri-müəyyən və mürəkkəb məqamlar olub, lakin parlamentin düzəlişlərindən və Şuranın təkrar yoxlamasından sonra layihə uyğun hesab edilib.
O, qanunun hansı maddələrinə dəyişiklik edildiyini açıqlamayıb. Şura tərəfindən təsdiqləndikdən sonra qanun layihəsi imzalanmaq üçün İran Prezidentinə göndəriləcək.
Türkan İsgəndərli
