Britaniya və Fransa qanunsuz miqrasiyaya qarşı mübarizə aparacaq
Böyük Britaniya və Fransa La-Manş boğazı boyunca qanunsuz miqrasiyaya qarşı mübarizə aparmaq üçün yeni bir saziş imzalayıb.
TodayPress TV xəbər verir ki, "Franko-Britaniya Miqrant Mübadiləsi Sazişi" adlı bu razılaşma artıq qüvvəyə minib.
Sazişin əsas məqsədi insan qaçaqmalçılığına qarşı mübarizə aparmaq və qanunsuz miqrant axınını azaltmaqdır. Razılaşmaya əsasən, Böyük Britaniyaya qanunsuz keçən və ailə bağlarını sübut edə bilməyən şəxslər Fransaya geri göndəriləcək. Bunun əvəzində, Böyük Britaniya Fransadan bərabər sayda qanuni sığınacaq axtaran şəxsi qəbul edəcək.
Bu sistem çərçivəsində ilk miqrantlar artıq saxlanılıb və geri göndərilməyə hazırlanır. Onlar Doverdə saxlanılıb və immiqrasiya təcridxanalarına yerləşdirilib.
Sazişin müddəti 11 ay olacaq və Böyük Britaniyaya gəlmək istəyən fransalı miqrantlar onlayn platforma vasitəsilə ərizə verə biləcəklər.
Eyni zamanda, 2025-ci ildə La-Manş boğazından keçənlərin sayında 49% artım qeydə alınıb. Bu, il ərzində təxminən 25 min nəfərin boğazı keçdiyi deməkdir.
Yaxın günlərdə sazişlə bağlı Fransanın şimalında geniş maarifləndirmə kampaniyası başlayacaq.
Türkan İsgəndərli
