Azərbaycanda kart dövriyyəsi 10 milyard manata çatdı
“Azərbaycanda kartlar vasitəsilə aparılan aylıq əməliyyatların dəyəri 10 milyard manata çatıb”.
TodayPress TV xəbər verir ki, bu barədə məlumatı AMB sədrinin müavini Vüsal Xəlilov Bakıda baş tutan “Baku Fintech Forum 2025” çərçivəsində keçirilən “Dayanıqlı fintex ekosistemi qurmaq” adlı panel müzakirədə çıxışı zamanı səsləndirib.
Onun sözlərinə görə, bu göstərici ölkədə nağdsız ödənişlərə keçidin sürətlə artdığını nümayiş etdirir.
Qurum rəsmisi bildirib ki, ani ödənişlər sistemindən istifadə də artmaqdadır:
“Milli ödəniş sistemindəki əməliyyatların 10 faizini artıq ani ödənişlər sistemi vasitəsilə həyata keçiririk. Bu göstəricini daha da artırmağı planlaşdırırıq”.
Qiymət Mahir
