Rusiya İranın peykini orbitə çıxaracaq

İyulun 25-də səhər buraxılması planlaşdırılan “Soyuz-2.1b” daşıyıcı raketi İranın “Nahid-2” telekommunikasiya peykini orbitə çıxaracaq.

TodayPress TV xəbər verir ki, bu barədə Roskosmos məlumat yayıb.

Peyk İran Kosmik Tədqiqatlar Mərkəzi tərəfindən hazırlanıb və buraxılış kommersiya müqaviləsi çərçivəsində həyata keçiriləcək.

Roskosmos-un açıqlamasına görə, “Nahid-2” peyki buraxılış zamanı 18 kiçik kosmik gəmidən biri olacaq. Ümumilikdə raket Yerə yaxın orbitə 20 cihaz daşıyacaq. Bunlar arasında 2 “İonosfera-M” heliogeofiziki peyki və onlara əlavə olaraq müxtəlif faydalı yüklərlə təchiz olunmuş 18 kiçik peyk yer alacaq.

Türkan İsgəndərli