Geyilə bilən "robot əzələlər" hazırlandı
Cənubi Koreya Mexanika Mühəndisliyi və Materialları İnstitutunun alimləri insanlara hərəkətdə kömək edə bilən yüngül robot geyimləri üçün yeni texnologiya yaradıblar.
TodayPress TV xəbər verir ki, araşdırma "IEEE Transactions on Neural Systems and Rehabilitation Engineering" jurnalında dərc olunub.
Yeni sistem çox nazik - insan saçından dörd dəfə incə məftildən “süni əzələlər” hazırlamağa imkan verir. Cəmi 10 qram çəkisi olan bu material 15 kiloqrama qədər yük qaldıra bilir.
Alimlər bu texnologiya ilə 2 kiloqramdan az çəkisi olan robot geyim və 840 qramlıq çiyin dayaq robotu hazırlayıblar. Sınaqlar zamanı əzələ zəifliyi olan xəstələrin çiyin hərəkətliliyi 57% artıb.
Layihə rəhbəri Çol Hoon Park bildirib ki, bu texnologiya insanların həyat keyfiyyətini yaxşılaşdırmağa kömək edəcək.
Türkan İsgəndərli
