Tramp Mundialın püşkatma tarixini açıqladı

ABŞ Prezidenti Donald Tramp 2026-cı il dünya çempionatının qrup mərhələsinin püşkatma mərasiminin dekabrın 5-də Vaşinqtondakı Con Kennedi adına İfaçılıq Sənəti Mərkəzində keçiriləcəyini açıqlayıb.

TodayPress TV xəbər verir ki, o, FİFA prezidenti Canni İnfantino ilə görüşü zamanı bildirib.

“Bu il dekabrın 5-də 2026-cı il dünya çempionatının püşkatma mərasimi məhz burada, Vaşinqtondakı Kennedi Mərkəzində keçiriləcək”, - Tramp deyib.

Canni İnfantino ABŞ prezidenti Donald Trampa dünya çempionatının final oyununun ilk biletini təqdim edib.

İsveçrəli funksioner Ağ Evdə böyük ölçülü bileti təqdim edərkən “Əlbəttə, birinci sıra, birinci yer. Biletin nömrəsi 45/47-dir (Tramp ABŞ-ın 45-ci və 47-ci prezidenti olduğuna görə – red.)” deyib.

Qeyd edək ki, 2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçiriləcək. Mundialın final matçı Nyu-Cersi ştatının İst-Razerford şəhərindəki “MetLife Stadium”da baş tutacaq.

Namiq HUN