İsveçli atlet Düplantis 14-cü dəfə dünya rekordu müəyyənləşdirdi
İkiqat Olimpiya, şüvüllə tullanma üzrə isə dünya çempionu, isveçli atlet Arman Düplantis 14-cü dəfə yeni dünya rekordu müəyyənləşdirib.
TodayPress TV “Championat.com”a istinadla xəbər verir ki, o, 2025-ci ildə Tokioda keçirilən dünya çempionatında 6,30 m nəticə göstərib.
Məlumata görə, Düplantis üçüncü cəhdində rekord hündürlüyə tullanıb.
Qeyd edək ki, o, dünya çempionatında qələbəsini 6,15 m hündürlüyə tullanma ilə təmin edib.
Kişilər arasında şüvüllə tullanmada qeydə alınmış nəticələr:
1. Armand Düplantis (İsveç) - 6,30 m.
2. Emmanuil Karalis (Yunanıstan) - 6 m.
3. Körtis Marşal (Avstraliya) - 5,95 m.
