“Hisslərin Söhbəti” adlı forum və tamaşa baş tutdu
Oktyabrın 26-sı “ÜTÜ Qrup” və “U Coaching İnstitute”un təşkilatçılığı ilə Dünya Məktəbində “Hisslərin Söhbəti” adlı forum və tamaşa baş tutub.
TodayPress TV xəbər verir ki, tədbir açıq elan edildikdən sonra Azərbaycan Respublikasının dövlət himni səsləndirilib. Himnin ardınca şəhidlərin əziz xatirəsi 1 dəqiqəlik sükutla yad edilib.
Forumda Kvant Düşüncə kouçu və təlimçisi Cəfər İbadov “Hisslərin formalaşması” mövzusunda çıxış edərək duyğuların düşüncələrlə doğulan dərin dünyasına nəzər salıb.
ÜTÜ QRUP-un rəhbəri, natiqlik təlimçisi Zaur Cahangirov isə “Hisslərin Təqdimatı” mövzusu ilə hissləri ifadə etməyin yollarından söz açıb(Doğru zaman, doğru sözlər!)
Forumda eyni zamanda “Hisslərin Söhbəti” adlı Təlim-Tamaşası nümayiş olunub. Tamaşada hisslərin səhnədə düşüncəyə təsirindən bəhs olunub.
Tədbirdə bir sıra ictimai xadimlər, media nümayəndələri, “ÜTÜ Qrup”un tələbələri və digər qonaqlar iştirak ediblər.
Forum və tamaşa auditoriya tərəfindən böyük maraqla qarşılanıb.
FOTOLAR
