UEFA Avropa Liqasını “Tottenhem” qazandı

UEFA Avropa Liqasında 2024/2025 mövsümünün qalibi məlum olub.   

TodayPress TV xəbər verir ki, finalda İngiltərənin “Tottenhem” və “Mançester Yunayted” klubları üz-üzə gəlib. 

Bilbaonun “San Mames” stadionunda baş tutan görüşdə “Tottenhem” 1:0 hesabı ilə qalib gələrək baş mükafata sahib çıxıb.

“Mahmızlar”ın heyətində Brennan Conson fərqlənib.   

Nəticədə “Tottenhem” klubu 41 ildən sonra tarixi ərzində üçüncü dəfə turnirin qalibi adını qazanıb. 

Qeyd edək ki, London təmsilçisi Avropa Liqasındakı qələbə sayəsində növbəti mövsümdə Çempionlar Liqasında çıxış etmək hüququ qazanıb.   

Namiq HUN