Arif Babayev reanimasiyaya yerləşdirildi, vəziyyəti ağırdır- YENİLƏNDİ

Xalq artisti Arif Babayev təcili tibbi yardım maşını ilə Qax Rayon Mərkəzi Xəstəxanasından Bakıya - Mərkəzi Klinik Xəstəxanaya təxliyə olunub. TodayPress TV xəbər verir ki, bu barədə Arif Babayevin oğlu Yaşar Babayev məlumat verib. O qeyd edib ki, atası Klinikanın reanimasiya şöbəsinə yerləşdirilib. Məlumata görə, xalq artistinin vəziyyəti ağırdır.

***

15:55

23.07.2025-ci il tarixində saat 17:30 radələrində Xalq artisti Arif Babayev kəskin tənəffüz çatışmazlığı diaqnozu ilə Qax Rayon Mərkəzi Xəstəxanasına hospitalizasiya olunub.

TodayPress TV xəbər verir ki, bu barədə TƏBİB-dən bildirilib.

Qeyd edilib ki, pasiyent dərhal intubasiya olunaraq süni tənəffüs dəstəyilə təmin olunub: "Hazırda müalicəsi tibb müəssisəsinin Reanimasiya şöbəsində davam etdirilir. Vəziyyəti kritik ağır olaraq qiymətləndirilir. Sağlamlıq durumuna uyğun olaraq paytaxtdakı tibb müəssisəsinə təxliyəsi planlaşdırılır".

***

14:23

Xalq artisti, professor Arif Babayevin vəziyyəti ağırlaşıb.

TodayPress TV xəbər verir ki, bu barədə APA-ya onun oğlu Yaşar Babayev məlumat verib.

Oğlunun sözlərinə görə, Arif Babayev Qax Rayon Mərkəzi Xəstəxanasının reanimasiya şöbəsinə yerləşdirilib.

O bildirib ki, Xalq artistinin Təcili Tibbi Yardım maşını ilə Bakıdakı xəstəxanalardan birinə gətirilməsi üçün hazırlıq işləri görülür.