Mask “Microsoft”un “Macrohard” adlı rəqibini yaradır

“xAI” şirkəti  ABŞ-də “Microsoft”a qarşı yönələn “Macrohard” adlı yeni layihəni elan edib. 

TodayPress TV xəbər verir ki, bu barədə amerikalı iş adamı İlon Mask “X” sosial şəbəkəsindəki səhifəsində məlumat verib. 

O bildirib ki, “Macrohard” ənənəvi proqram tərtibatçılarına alternativ olaraq yaradılır. Onun sözlərinə görə, “Microsoft” kimi şirkətlər aparat istehsal etmir və onların məhsullarını süni intellekt həlləri tamamilə əvəz edə bilər. 

Tətbiqə əsasən, “Macrohard” insan düşüncəsini təqlid edən süni intellekt agentlərinin dəstəyi ilə proqram məhsullarının və bulud xidmətlərinin hazırlanmasına ixtisaslaşacaq. Sahələr sırasında nitq və mətn generasiyası üçün həllər də yer alır. 

Maskın sözlərinə görə, şirkətin məqsədi “kainatın əsl mahiyyətini anlamaq”dır. Şirkətin mühəndislik əsasını “OpenAI”, “Google DeepMind”, “Google Research”, “Microsoft Research”, “Tesla” və “Twitter” kimi aparıcı texnologiya şirkətlərindən gələn mütəxəssislər təşkil edir. 

Aysel Mətləb