Mask Marsa insanabənzər robot göndərəcək

"SpaceX" rəhbəri İlon Mask şirkətin Marsa insanabənzər robot "Optimus" göndərməyi planlaşdırdığını açıqlayıb. 

TodayPress TV xəbər verir ki, bu barədə o, "SpaceX"in təqdimatı zamanı bildirib.

Onun sözlərinə görə, 2026-cı ildə Marsa ilk beş "Starship" eniş modulu göndəriləcək və "Tesla"nın "Optimus" robotları bu missiyanın bir hissəsi kimi istifadə olunacaq.

Hər bir kosmik gəmidə insan ekipajını təqlid edən bir neçə robot olacaq.

O vurğulayıb ki, həmin dövrdə Yer və Mars arasındakı məsafə ən qısa mərhələdə olacaq və pilotsuz uçuşlar 7-9 ay davam edəcək.

Yeni Mars üçün nəzərdə tutulan "Starship" raketləri doqquz ədəd 3 mühərrik ilə təchiz olunacaq.

Mask deyib ki, bu mühərriklər əvvəlkilərdən daha etibarlıdır və hər hansı sızma olarsa, yanacaq gəmi üçün təhlükə yaratmadan kosmosa axacaq.

Milyarder gələcəkdə Marsda koloniya qurmaq üçün hər iki ildən bir 1000-2000 gəmi buraxmağı hədəflədiyini də bildirib.

Türkan İsgəndərli