"BYD"nin səhmləri ucuzlaşdı

Çinli elektrik avtomobil istehsalçısı "BYD"nin səhmləri mayın 26-da 8,25% ucuzlaşıb. 

TodayPress TV xəbər verir ki, bu barədə "CNBC" telekanalı məlumat yayıb.

Səhmlərdəki eniş "BYD"nin iyunun sonuna qədər 20-dən çox elektrik və hibrid modelində qiymət endirimi edəcəyini elan etməsindən sonra baş verib. 

Şirkət bildirib ki, "Seagull" modeli 20%, ikimühərrikli "Seal" sedanı isə 34% ucuzlaşacaq. 

Analitiklər qiymət endirimlərinin "BYD"nin dilerlərinə müştəri axınını 30-40% artıracağını proqnozlaşdırır. Lakin bu addım şirkətin gəlirinə mənfi təsir göstərə biləcəyi ehtimalı ilə investorlar arasında narahatlıq yaradıb.

Türkan İsgəndərli