Yeddi “Böyük Dəbilqə” qalibi 3-cü raunda yüksələ bilmədi

Tennis üzrə US Open – 2025 turnirində 7 “Böyük Dəbilqə” qalibi ilk iki mərhələdə mübarizəni dayandırıb.

TodayPress TV xəbər verir ki, turnirin kişi və qadınlar arasında təkli yarışlarında ümumilikdə 19 “Böyük Dəbilqə” çempionu (5 kişi, 14 qadın) start götürüb. 

Onlardan Vinus Uilyams, Petra Kvitova, Sofiya Kenin, Medison Kiz, Daniil Medvedev və Marin Çiliç ilk raundda, Yelena Ostapenko isə ikinci raundda mübarizəni dayandırıb.

Kişilər arasında üç böyük ulduz – Novak Cokoviç, Karlos Alkaras və Yannık Sinner yarışda qalmaqdadır. Qadınlar arasında İqa Şvyontek, Naomi Osaka, Arina Sobolenko, Kori Qauff, Barbora Kreçikova, Viktoriya Azarenka, Emma Radukanu, Yelena Rıbakinа və Marketa Vondrouşova titul uğrunda mübarizəni davam etdirirlər.

Xatırladaq ki, US Open – 2025 turniri sentyabrın 7-də başa çatacaq. Turnirin bu ilki mükafat fondu 90 milyon dollar təşkil edib. Hazırkı çempionlar kişilərdə Yannık Sinner, qadınlarda isə Arina Sobolenkadır.

Namiq HUN