Xabi Alonso Gülerin oyununu dəyərləndirdi

İdman

20.08.2025 09:00

Madrid “Real”ının baş məşqçisi Xabi Alonso La Liqanın I turunda “Osasuna” ilə keçirilən oyunda yarımmüdafiəçi Arda Gülerin çıxışı barədə fikirlərini bölüşüb. 

TodayPress TV xəbər verir ki, görüş “kral klubu”nun 1:0 hesablı qələbəsi ilə başa çatıb. 

“Komandaya qoşulduğu gündən Arda Güler inanılmaz inkişaf edib. Təkcə oyunun keyfiyyətində deyil, həm də meydandakı mövqeyini anlamaqda və topa yanaşma tərzində böyük irəliləyişə nail olub. O, ilk hissədə parlaq çıxış etdi və dəfələrlə topu uğurla ələ keçirdi”, Alonso deyib. 

Qeyd edək ki, ötən mövsüm Güler “Real”ın heyətində 44 matça çıxıb, 5 qol vurub və 9 məhsuldar ötürmə edib. Madridlilərlə müqaviləsi 2029-cu ilə qədər olan futbolçunun bazar dəyəri 45 milyon avro qiymətləndirilir.

Namiq HUN

tag: Xabi Alonso,Real Madrid,Arda Güler,Futbol,Klub,Todaypress.tv,