Toni Kroos: “Futbol tarixinin ən yaxşı qapıçısı Noyerdir”

Madrid “Real”ının əfsanəsi, sabiq yarımmüdafiəçi Toni Kroos futbol tarixinin ən yaxşı qapıçısını açıqlayıb.

TodayPress TV xəbər verir ki, bu barədə Give me Sport məlumat yayıb.

“Başqa seçim ola bilməz, bu, Manuel Noyerdir. Mənim Oliver Kanla da bir neçə məşqim olub. Amma artıq söhbət kifayətdir... Mənim üçün Noyer bütün zamanların ən yaxşı qapıçısıdır. Nöqtə”, – Kroos deyib.

Qeyd edək ki, Manuel Noyer Almaniya millisində 2009–2024-cü illərdə çıxış edib. Onun hesabında 124 oyun, 118 buraxılmış qol və 51 qapını toxunulmaz saxladığı qarşılaşma var. Klub karyerasında isə Noyer 2011-ci ildən “Bavariya”nın qapısını qoruyur. O, Münhen təmsilçisinə qədər doğma komandası “Şalke-04”də forma geyinib.

Namiq HUN