Skott Maktominay A Seriyasının ən yaxşı futbolçusu seçildi

“Napoli” klubunun yarımmüdafiəçisi Skott Maktominay A Seriyasının 2024/2025 mövsümündə ən yaxşı futbolçu adına layiq görülüb.   

TodayPress TV xəbər verir ki, bu barədə məlumatı İtaliya çempionatının mətbuat xidməti sosial şəbəkə “X” üzərindən yayıb. 

Şotlandiyalı futbolçu cari mövsümdə A Seriyada 34 oyunda çıxış edərək 12 qol vurub və 6 məhsuldar ötürmə ilə yadda qalıb. 

28 yaşlı Maktominay “Napoli”yə 2024-cü ilin yayında “Mançester Yunayted” klubundan transfer olunub.

Onun Neapol təmsilçisi ilə müqaviləsi 2028-ci ilin yayına qədər qüvvədədir.   

Namiq HUN