Salah unikal nailiyyətə imza atdı

“Liverpul” klubunun misirli hücumçusu Məhəmməd Salah Premyer Liqada unikal nailiyyətə imza atıb.   

TodayPress TV xəbər verir ki, forvard çempionat tarixində eyni mövsümdə ən yaxşı futbolçu, ən yaxşı oyunqurucusu və bombardir mükafatını qazanan ilk futbolçudur. 

Qeyd edək ki, “Liverpul” cari mövsüm Premyer Liqanın qalibi olub. Salah mövsümü 29 qol və 18 məhsuldar ötürmə ilə başa vurub.  32 yaşlı futbolçu 2017-ci ildən “Liverpul”da çıxış edir.

O, bu müddət ərzində bütün turnirlərdə 400 oyuna çıxıb, 244 qol vurub və 113 assistlə yadda qalıb.

Məhəmməd Salahın mersisaydlılarla hazırkı müqaviləsi 2027-ci ilin yayına qədər qüvvədədir.

“Transfermarkt” portalında Salahın bazar dəyəri 55 milyon avro qiymətləndirilir.     

Namiq HUN