“Qarabağ”dan üç milyonluq təklif!
İdman
30.08.2025 13:20
“Qarabağ” klubu Fransanın “Loryan” komandasının hücumçusu Sambo Sumanonu heyətinə qatmağı planlaşdırır.
TodayPress TV xəbər verir ki, transfer 1-2 gün ərzində yekunlaşmalıdır. Çünki “Qarabağ” Çempionlar Liqası üçün sifariş ərizəsini sentyabrın 2-də UEFA-ya göndərməlidir.
Bildirilir ki, Ağdam təmsilçisi seneqallı futbolçu üçün “Loryan”a 2,5 milyon avro+500 min avro bonus təklif edib.
Bu məbləğ paketi indiyədək 24 yaşlı futbolçu ilə maraqlanan digər klubların hamısının təklif etdiyindən daha yüksəkdir.
Sumano da Çempionlar Liqasında yarışacaq “Qarabağ”da oynamaq istəyir. Forvard “Qarabağ”a transfer olunsa, onun illik gəliri 1 milyon avrodan artıq olacaq. Keçid baş tutacağı halda, hücumçu “Qarabağ” tarixinin ən bahalı transferi olacaq.
Qeyd edək ki, Sambo Sumano ötən mövsüm Liqa-2-nin qalibi olmuş “Loryen”də 32 oyunda 14 qol vurub və 3 məhsuldar ötürmə edib. Cari mövsümdə isə o, Liqa-1-də 2 oyunda 1 qol vurub.
(Qol.az)
Namiq HUN
tag: Qarabağ,Sambo Sumano,transfer,Klub,Təklif,Todaypress.tv,